Uski Aankhon Mein Mohabbat Ka Sitara Hoga,
Ek Din Aayega Wo Shakhs HaMara Hoga,
TuM Jahan Mere Liye Seepiyan Chunti Hogi,
Wo Kisi Aur Hi Duniya Ka Kinaara Hoga,
Zindagi Ab Ke Mera NaaM ShaaMil Na Karna,
Gar Ye Tay Hai Ke Yehi Khel Dobara Hoga,
Jiske Hone Se Meri Saans Chala Karti Thi,
Kis Tarah Uske Bagair Apna Guzara Hoga,
Ye Achanak Jo Ujala Sa Hua Jaata Hai,
Dilne Chupke Se Tera NaaM Pukara Hoga,
Ishq Karna Hai To Din Raat Use Sochna Hai,
Aur Kuch Zehen Mein Aaya To Khasara Hoga,
Ye Jo Paani Mein Chala Aaya Sunehri Sa Garoor,
Usne Dariya Mein Kahin Paanv Utara Hoga,
Kaun Rota Hai Yahan Raat Ke Sannaton Mein,
Mere Jaisa Hi Koi Hijr Ka Maara Hoga,
Mujhko MaluM Hai Joonhi Main QadaM Rakhunga,
Zindagi Tera Koi Aur Kinara Hoga,
Jo Meri Rooh Mein Badal Se Garajte Hai,
Usne Seene Mein Koi Dard Utara Hoga,
KaaM Mushkil Hai Magar Jeet Hi Lunga Usko,
Mere Maula Ka Joonhi Ishara Hoga…

Dasht-e-Wafa Me Pyaas Ka Aalam Ajeeb Tha
Dekha To Aik Dard Ka Dariya Qareeb Tha
Guzre Jidhar Jidhar Se Tamanna K Qaafle
Her Her Qadam Pe Aik Nishaan-e-Saleeb Tha
Kuch Aisi Meherbaan To Na Thi Ham Pe Zindagi
Kyu Her Koi Jahaan Me Hamara Raqeeb Tha
Apna Pata To Us Ne Diya Tha Mujhe “Ayaan”
Main Khud Hi Kho Gaya To Ye Mera Naseeb Tha

Aisa Nahi Ke Hum Ko Mohabbat Nahi Mili
Jaisi Chahat thi Hum Ko Wo Ulfat Nahi Mili
Milne Ko Zindagi Me Kai Hamsafar Mile
Par Un Ki Tabiat Se Tabiat Nahi Mili
Chehron Me Doosron Ke Tumhein Dhondhte Rahe
Soorat Nahi Mili Kahin Seerat Nahi Mili
Bahut Der Se Aaye Tu Mere Paas Kya Kahoon
Alfaaz Dhondne Ki Bhi Mohlat Nahi Mili
Tujh Ko Gila Raha Ke Tawajjoh Na Di Tujhe
Lekin Hamein Khud Apni Mohabbat Nahi Mili
Har Shakhs Zindagi Me Bahut Der Se Mila
Koi Bhi Cheez Waqat-e-Zaroorat Nahi Mili

Aisa nahi K Tujh Se Muhabat Nahi Hame
Ghum Roz Roz Sehne ki Aadat Nahi Hame
Har Bar Tere Samne Sar Ko Jhuka Liya
Aur Phir Bhi Dekh Tujh se Shikayat Nahi Hame
Tu Aitebar kar k Tujhe Chahate He Hum
Tere Siwa Kisi Ki Bhi Chahat Nahi Hame
Hum Jante He Tum Tanha Nahi Hamare Bin
Auron se Pochne ki Zarurat Nahi Hame
Kese Rahen Ge Bin Tere Ab Baat Maan le
Tere Bagair Rahene ki ab Aadat Nahi Hame

Khud Ko Iss Dil Mein Basaane Ki Ijaazat De Do
Mujh Ko Tum Apna Banaane Ki Ijaazat De Do
Tum Meri Zindagi Ka Ek Haseen Lamha Ho
Phoolon Se Khud Ko Sajsane Ki Ijaazat De Do
Mein Kitna Chaahta Hu Kis Tarah Bataau Tumhein
Mujhe Yeh Aaj Bataane Ki Ijaazat De Do
Tumhari Raat Si Zulfon Mein Chand Sa Chehra
Mujhe Yeh Shaam Sajaane Ki Ijaazat De Do
Mujhe Qaid Kar Lo Apne Ishq Mein
Yeh Jaan Tum Pe Lutaane Ki Ijaazat De Do
Nahin Hai Shaunk Uss Ko Bhoolne Ka Magar
Mujhe Yeh Duniya Bhulaane Ki Ijaazat De Do

Ajnabi Khawahishe Seene me Dabaa Bhi Na Saku..

Aise Ziddi He Parinde Ki Udaa Bhi Na Saku..

Foonk Dalunga Kisi Roz Me Dil Ki Duniya..

Ye Tera Khat To Nahi He Ke Jala Bhi Na Saku..

Meri Ghairat Bhi kya Shai He Ke Mehfil Me Mujhe..

Usne Is Tarah Bulaya He Ke Jaa Bhi Na Saku..

Fal to Sab Mere Darakhto Ke Pake He Lekin..

Itni Kamzor He Shaakhe Ki Hila Bhi Na Saku..

Ik Na Ik Roz Kahi Dhoond Hi Loonga Tujh Ko..

Thokare Zaher Nahi He Ke Me Kha BHi Na Saku..

Saath Roti Thi Mere Saath Hansa Karti Thi,
Wo Larki Jo Mere DiL Mei Basa Karti Thi.
Meri Chahat Ki Talabgar Thi Is Darja Kay,
Wo Musalley Pay Namazon Mei Duaa Karti THi.
Ek Lamhey Ka Bicharna Bhi Giran Tha USko,
Rootey Huwe Mujhko Khud Se Juda Karti Thi.
Mere Dil Mei Raha Karti Thi Dhadkan Ban Kar,
Or Saaye Ki Tarha Saath Raha Karti Thi.
Rog Dil Ko Laga Bethi Anjaney Mei,
Meri Aaghosh Mei Marne Ki Duaa Karti Thi.
Baat Qismat Ki Hai Sirf Juda Ho Gaey Hum,

Warna Wo Toh Mujhey Taqdeer Kaha Karti Thi

Hamare Khat Me Naya ik Salaam Kis Ka Tha..

Na Tha Raqeeb to Aakhir Wo Naam Kis Ka Tha..

Wo Qatl Kar Ke Mujhe Har Kisi Se Puchte He..

Ye Kaam Kis Ne Kiya, Ye Kaam Kis Ka Tha..

Wafa Karenge Nibhayenge Baat Manenge...

Tumhe Bhi Yaad He Kuch Ye Kalaam Kis Ka Tha..

Raha Na Dil Me Wo Bedard Aur Dard Raha..

Muqeem Kon Hua He Maqaam Kis ka Tha...

Na Puch-Gaach Thi Kisi Ki Waha Na Aao-Bhagat..

Tumhari Bazm Me Kal Ehtimaam Kis Ka Tha..

Hamare Khat Ke To Purze Kiye Padha Bhi Nahi..

Suna Jo Tu Ne Ba-dil Wo Payaam Kis Ka Tha..

Guzar Gaya Wo Zamaana Kahoon to Kis Se Kahoon..

Khayaal Dil Ko Mere Subah-O-Shaam Kis Ka Tha..

Har Ik Se Kehte Ho Kya "Ayaan" Bewafa Nikla..

Ye Puche Un Se Koi Wo Ghulaam Kis Ka Tha...

Meri ZIndagi to Firaaq He, Wo Azal se Dil Me Makeen Sahi..

Wo Nigaah-e-Shoq se Door He, Rag-e-Jaan Se Lakh Qareen Sahi..

Hame Jaan Deni He ek Din, Wo Kisi Tarah Wo Kahi Sahi..

Hame Aap Khichiye Daar Par, Jo Nahi Koi To Hami Sahi..

Sar-e-Toor Ho, Sar-e-Hashr Ho, Hame Intezaar Kubool He..

Wo Kabhi Mile Wo Kahi Mile, Wo Kabhi Sahi Wo Kahi Sahi..

Na Ho Un Pe Kuch Mera Bas Nahi, Ke Ye Aashiqui He Havas Nahi..

Me Unhi Ka Tha Me Unhi Ka Hu, Wo Mera Nahi To Nahi Sahi..

Mujhe Bethne Ki Jagah Mile, Meri Aarzu K Bharam Rahe..

Teri Anjuman Me Agar Nahi, Teri Anjuman Ke Qareen Sahi..

Tera Dar Na Hamko Mil Saka, Teri Rehguzar Ki Zameen Sahi..

Hame Sajda Karne Se Kaam He, Jo Waha Nahi To Yahi Sahi..

Meri Zindagi Ka Naseeb He, Nahi Door Mujhse Qareeb He..

Mujhe Us Ka Gham To Naseeb He, Wo Agar Nahi To Nhi Sahi..

Jo Ho Faisla Wo Sunaiye, Use Hashar Par Na Uthaiye..

Jo Karenge Ap Sitam Waha, Wo Abhi Sahi Wo Yahi Sahi..

Unhe Dekhne Ki Jo Lau Lagi, To Ayaan Dekh Hi Lenge Ham..

Wo Lakh Aankh se Door Ho, Wo Hazaar parda-Nasheen Sahi..

Abhi Is Taraf Na Nigaah kar Me Ghazal Ki Palke Sawaar Lu..

Mera Lafz Lafz Ho Aaina Tujhe Aaine Me Utaar lu..

Me Tamaam Din Ka Thaka Hua Tu Tamaam Raat Ka Jagaa Hua..

Zara Thahar Ja Isi Mor Par Tere Sath Shaam Guzaar Lu..

Agar Aasmaan Ki Numaaisho Me Mujhe Bhi Ize-e-Qayaam Ho..

To Me Motiyo Ki Dukaan Se Teri Baliyaa Tere Haar Lu..

Kahi Aur Baant De Shahar Me Khani Aur Baksh De Izzate..

Mere Paas He Mera Aaina Me Kabhi Na Gard-O-Gubaar Lu..

Kai Ajnabi Teri raah Me Mere Paas Se Yu Guzar Gaye..

Jinhe Dekh Kar Mujhe Yu Laga Tera Naam Lekar Pukaar Lu..